這區每星期收垃圾收回歸, recycle 的是 garden waste, glass, paper, plastic boxes, tins & cans。

今日收到個5L大有蓋的膠盒 kitchen caddy, 收集廚餘混入 garden waste 一齊擺埋等。這服務由七月開始, 可以多個方便的免費渠道真好, 為環保出一分力 at no cost  

五月尾終於感覺到夏天的來臨, 後花園的牡丹, 玫瑰及鳶尾花都開得燦爛, 不過有近兩尺的草等著我去剪, 大剎風景~

係咪好大朵呢? 有個碗咁大, 淺粉紅的還香噴噴~~ 全部都是媽咪種落既, 我想起許冠傑的《梨渦淺笑》..... 夢已消, 花依舊玉人杳。

梨渦淺笑
曲：許冠傑
詞：許冠傑/黎彼得

梨渦淺笑，可知否奧妙，
寂寞心鎖暗動搖，魂消魄蕩身飄渺，
被困擾，怎得共渡藍橋。

梨渦輕照，映出花月調，
但望相看慰寂寥，時刻與共享分秒，
願折腰，今生效同林鳥。

梨渦淺笑，似把君邀，
綺夢輕泛浪潮，春宵猶未覺曉。

梨渦雖俏，悲歡竟逆料，
樂極痴戀變恨苗，情絲寸斷一朝了，
夢已消，花依舊玉人杳。

真係個廣東人, 好鍾意飲湯, 好在之前媽咪教過我個電子煲用法, 依家就算一個人都會整。

菜乾泡洗, 排骨出水, 陳皮、甘筍、羅漢果, 全部水滾落, 2.5小時。

籌備已久的旅程今日開始..... Alaska land tour & cruise, Roky Mountain tour

仍記得那天一早送你們去 coach 站出 Gatwick, 已經圓古古的隨身背包及每人一大喼還有個膠袋載些車上小食。在這個滿有涼意的五月天, 你穿著早幾個月在香港買的雪靴及羽絨在站頭等車。當時斷猜不到這是妳最後一個郵輪旅程, ニ十五日後不一樣的妳。

懶人料理, 10分鐘有得食。

豆腐、三文魚切大粒, 魚蠻快熟的。水滾煮約5分鐘, 落一些無糖豆漿, 再滾落埋味噌攪幾下倒落碗洒些葱花就食得。最麻煩祇是洗魚及切魚, 有點腥味, 不過個湯就好甜, 送飯一流 !

• 放工回家突然有隻免仔跳出馬路來, 幸好迎面沒有車可以扭一扭軚唔駛做兔餅。不過佢係車底彈一彈好響, 好似撞上我隻腳咁應, 之後都好快跳過咗去對面馬路。
• 水錶之迷終於在今日破解~!  原來係沙泥沉澱包住成個水錶, 唔怪得知扭又唔開撬又唔得啦! 上次估多咁多, 今次應該唔駛交嘞。

今朝第一次夢到媽咪。

奇怪的一個夢, 咋見妳就札醒了亦沒有跟我講話。

天晴風猛

放工撻唔着架車, 又冇帶銀包.  幸好圖書館仍開門, 找人替我上網揾 breakdown cover 個電話號碼及撥打..... 等了45mins.  整一整 4mins.  應該係 air flow meter 有事, 如果明天又撻唔到就要趁復活節長假前去車房 修理.

返到屋企好肚餓靜英英, 突然想起從前媽咪會應門仲會聞到飯香就淚如泉湧 .....真係一公升眼淚

原來韓式炒年糕 (Ddeokbokki) 咁容易~  真係 10mins 有得食.  

這個 weekend 除了是 Earth Hour 外, 亦是調較夏令時間的時侯。每年三月及十月最後一個星期日都要改時間, 幸好依家有幾個鐘都係 radio-controlled, 冇咁煩。

這個 weekend 煎了鯖魚攪到廚房好油煙, 㷛了一㷛好甘的參鬚湯。

很凌亂的兩個星期........

一些很突然、出乎意外的事, 顛覆了我的世界。

廿二號是母親節, 案頭仍放住上年媽咪的母親節咭, 3D紙製康乃馨依然色彩鮮豔但媽咪不再活生生祇剩下2D的回憶了。

糖棒今年更多 

"舊記憶, 講不出有多重   時刻隱隱作痛, 常無意中觸碰"

已經永別了二百個日子了

除了難過, 更不時想到媽咪五月份去旅行的錄像片段間中會一臉不快或走開獨個兒度步回頭的強顏歡笑, 她應該是承受着怎樣的痛呀~ 亦想起她一臉滿足飲橙汁的笑臉, 及很多一齊去旅行的時光: 烏來嬉水、漫步Jardin des Plantes、Rialto Bridge 的五十歲生日、媽咪印象深刻的Park Güell。

今晚風雪都停了下來, 天空不再橙黄黃雲層都退下來, 一顆顆星星閃得特別冰藍。

"時光一逝永不回, 往事只能回味"

媽咪離開了我們第一百七十六日

回到家差不多一星期, 今日跟老豆睇完醫生去食KFC。平時坐開的圓桌有人, 唯有坐鄰桌。吃著少了一張口分享的bucket 不由自主的想到從前三人把 bucket 都吃個清光, 家下要打包剩下的雞件及薯條, 突然鼻發酸淚滿眶。

兩個月轉眼過去, 今晚夜機離開。

我想是他們陪我渡過吧~

  @Cavalli (1441 Stockton)

出去 Union Square, Macy's 逛逛見識一下 Black Friday 的購物人潮。 Abercrombie & Fitch 有個 six-pack 男在門口做生招牌, 好多人同佢拍照, 可惜沒有帶相機。

往 cafe途中, 及從咖啡室外望可看到 Coit Tower.

看到突發新聞報道, 在孟買多處有恐怖分子大開殺界...... 

曾經在充滿優雅情調的 Taj Mahal Palace 一邊吃下午茶一邊欣賞臨海的 Gateway of India , 現在它淪為戰場真難過。 唯一深感慶幸的是 Helen was only there LAST week.